Gallup İnstitutu ABŞ prezidentlərinin fəaliyyətinin bəyənilmə səviyyəsini ölçən reytinqlərin monitorinqini dayandırır. Şirkət bu göstəricini 88 il ərzində — Franklin Ruzvelt dövründən bəri aparırdı. Qərarın korporativ strategiyanın dəyişməsi ilə bağlı olduğu bildirilir. Yeni yanaşma “ictimai əhəmiyyətli problemlər və dövlət siyasəti üzrə sorğulara daha çox diqqət ayırmağı” nəzərdə tutur.
“Lider reytinqləri institutun tarixinin bir hissəsi olub. Eyni zamanda, bu göstəricilərin ətrafındakı kontekst dəyişib”, — deyə şirkət açıqlamasında qeyd edib. Bildirilib ki, bu cür nəticələr indi “çoxsaylı qurumlar tərəfindən geniş şəkildə hazırlanır, toplanır və şərh olunur” və artıq institutun özünəməxsus töhfə verə biləcəyi əsas sahə sayılmır.
Axios bu tədqiqatları amerikalıların Ağ Evə münasibətinin “tarixi barometri” adlandırır, The New York Times isə onların ictimai rəyi etibarlı şəkildə əks etdirdiyini yazır. Gallup-ın saytında dərc olunan son məlumatlara görə, prezident Donald Trampın fəaliyyətinin bəyənilmə reytinqi 36%-ə düşüb.
Axios-un siyasi təzyiqlərin bu qərara təsir edib-etmədiyi barədə sualına cavab olaraq institut bildirib ki, bu addım “yalnız tədqiqat məqsədləri və şirkətin prioritetlərinə əsaslanan strateji dəyişiklikdir”.
