BAKI, 12 fevral. TELEQRAF
Polşanın aşağı palatası olan Seym Ukrayna Silahlı Qüvvələrinin tərkibində döyüşən polyaklara amnistiya nəzərdə tutan qanun layihəsini üçüncü oxunuşa göndərib.
Teleqraf xəbər verir ki, bu barədə parlamentin rəsmi saytında yerləşdirilən məlumatda bildirilir.
Məlumata görə, sənədə növbəti düzəlişləri hakim Vətəndaş Koalisiyası və ultra-sağ Konfederasiya birliyindən olan deputatlar təqdim ediblər. Vətəndaş Koalisiyası qanunun prezident tərəfindən imzalandığı gündən üç ay sonra qüvvəyə minməsini təklif edib. Deputatların fikrincə, bu, amnistiyanın daha çox şəxsi əhatə etməsinə imkan verəcək, çünki layihəyə əsasən amnistiyanın müddəti qanunun qüvvəyə mindiyi tarixlə bitir. Konfederasiya isə mətnə Polşa vətəndaşının Ukraynaya verdiyi andın etibarsız sayılması barədə müddəanın salınmasını təklif edib.
Hazırda Polşada muzdlu döyüşçülük cinayətinə görə beş ilədək azadlıqdan məhrumetmə cəzası nəzərdə tutulur. Bununla belə, Rjeçpospolita qəzetinə danışan hakim Vətəndaş Koalisiyasından olan Seym deputatı Pavel Suskinin sözlərinə görə, prokurorluq Ukraynada döyüşən polyakları qəsdən təqib etmir.
Qanun layihəsi dekabrın 5-də Seymə “Ukraynanın azadlığını və müstəqilliyini müdafiə edən könüllülərin cəzalandırılmaması haqqında qanun” adı ilə təqdim edilib.
