ain.az, Qafqazinfo portalına istinadən məlumat yayır.
Bakı Apellyasiya Məhkəməsində baxılan cinayət işlərindən birində diqqət çəkən və duyğusal an yaşanıb.
“Qafqazinfo” xəbər verir ki, bu barədə vəkil Zaur Saadov sosial şəbəkə hesabında paylaşım edib.
Vəkil yazıb ki, məhkəmə prosesi zamanı təqsirləndirilən şəxsin azyaşlı qızı da iclas zalına daxil olub. Uşağı görən hakim Əli Məmmədov valideynə irad bildirib və azyaşlının dərhal zaldan çıxarılmasını tələb edib.
Hakimin bu tələbini əsaslandırarkən dediyi sözlər isə məhkəmə zalında olanları duyğulandırıb:
“Hər ata övladı üçün bir qəhrəmandır. Atanı qolu qandallı uşağa göstərməklə onun qəhrəmanını öldürməyin”.
Hakimin bu sözlərindən sonra azyaşlı məhkəmə zalından çıxarılıb.
Qeyd edək ki, Əli Məmmədov bir neçə ay əvvələ qədər Bakı Ağır Cinayətlər Məhkəməsində işləyib. O, əsasən çoxsaylı bəraət hökmləri ilə tanınır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
