Moderator.az saytından alınan məlumata görə, ain.az bildirir.
"Əl-Cəzirə"nin araşdırması ABŞ-ın təchiz etdiyi termal və termobarik sursatların 3500 dərəcə selsidə yanmasının təxminən 3000 fələstinlidən əsər-əlamət qoymadığını ortaya çıxarıb...
“Uşaqlarımdan dördü buxarlandı”-deyən Badran göz yaşlarını saxlayaraq əlavə edib: “Onları milyon dəfə axtardım. Bir parçaları belə, qalmayıb. Hara getdilər?..”
İstintaqda İsrail sursatlarındakı spesifik kimyəvi tərkiblərin insan bədənlərini saniyələr içində külə və buxara necə çevirdiyi ətraflı şəkildə izah edilib…
“Suyun qaynama temperaturu 100 dərəcə Selsi [212F]-dir. Bədən 3000 dərəcədən çox enerjiyə, eləcə də böyük təzyiqə və oksidləşməyə məruz qaldıqda, mayelər dərhal qaynayır. Toxumalar buxarlanır və külə çevrilir…”
“Əl-Cəzirə” kanalının son araşdırması İsrail Silahlı Qüvvələrinin dinc Qəzza sakinlərinə qarşı savaşda müasir texnologiyaların imkan verdiyi ən qeyri-insani, ən vəhşi, ən qəddar, ən amansız üsullardan yararlanması barədə daha bir faktı üzə çıxarıb. Söhbət Amerika Birləşmiş Ştatlarının təchiz etdiyi termal və termobarik sursatlardan gedir. Həmin sursatlardan istifadə təxminən 3000 fələstinlinin cəsədlərindən belə, heç bir əsər-əlamət qoymayıb…
Moderator.az insan qəlbini parçalayan həmin dəhşətli, tükürpərdici olay barədə şahidlərin dedikləri əsasında hazırlanmış materialın tərcüməsini təqdim edir:
14 oktyabr 2024-cü il... Qəzza zolağının mərkəzindəki Deyr əl-Bəlahda fələstinlilərin sığınacağına İsrailin hücum etdiyi ərazidə baş verən yanğını söndürməyə çalışanlar [Ramazan Abed/Reuters]
…10 avqust 2024-cü il tarixində sübh tezdən Yasmin Mahani Qəzza şəhərindəki əl-Tabin məktəbinin tüstülənən xarabalıqları arasından keçərək oğlu Səadı axtarırdı. O, ərini axtararkən haray saldı… Lakin Səaddan əsər-əlamət qalmamışdı...
“Məscidə girəndə özümü ət və qan üzərində tapdaladığımı gördüm”, - deyə Mahani bazar ertəsi günü yayımlanan araşdırma üçün “Əl-Cəzirə Arabic”ə bildirib. O, günlərlə xəstəxanalarda və morqlarda axtarış aparıb. “Səaddan heç nə tapmadıq. Hətta basdırılacaq bir cəsəd belə tapmadıq. Ən çətin hissəsi də bu idi”.
Mahani İsrailin Qəzzaya qarşı 72 mindən çox insanın ölümünə səbəb olan soyqırımı müharibəsi zamanı yaxınları sadəcə yoxa çıxan minlərlə fələstinlidən biridir…
Ərəbcə “Əl-Cəzirə” kanalının "The Rest of the Story" adlı araşdırmasına görə, Qəzzada Mülki Müdafiə qrupları 2023-cü ilin oktyabr ayında müharibə başlayandan bəri "buxarlanan" və qan spreyi və ya kiçik ət parçalarından başqa heç bir qalıq qoymayan 2842 fələstinlini sənədləşdirib.
Mütəxəssislər və şahidlər bu fenomeni İsrailin beynəlxalq səviyyədə qadağan olunmuş termal və termobarik silahlardan, çox vaxt “vakuum” və ya “aerosol” bombaları adlandırılan və 3500 dərəcədən [6332 dərəcə Farengeytdə] yuxarı temperatur yarada bilən silahlardan sistemli şəkildə istifadə etməsi ilə əlaqələndiriblər.
2842 rəqəmi təxmini deyil, Qəzzanın Mülki Müdafiə Xidmətinin dəhşətli məhkəmə-tibbi ekspertizasının nəticəsidir.
Mətbuat katibi Mahmud Basal “Əl-Cəzirə”yə izah edib ki, komandalar hücum yerlərində "məhv etmə metodundan" istifadə edirlər. Basal deyib: "Biz hədəfə alınan evə daxil oluruq və məlum sayda sakinlə tapılan cəsədləri müqayisə edirik".
“Əgər bir ailə bizə içəridə beş nəfərin olduğunu desə və biz yalnız üç bütöv cəsəd tapsaq, qalan ikisini yalnız hərtərəfli axtarış yalnız bioloji izlər - divarlara qan spreyi və ya baş dərisi kimi kiçik parçalar tapdıqdan sonra “buxarlanmış” hesab edirik”, - deyə o, əlavə edib.
Buxarlanmanın kimyası…
İstintaqda İsrail sursatlarındakı spesifik kimyəvi tərkiblərin insan bədənlərini saniyələr içində külə və buxara necə çevirdiyi ətraflı şəkildə izah edilib.
Rusiyalı hərbi ekspert Vasili Fatiqarov izah edib ki, termobarik silahlar təkcə öldürmür; onlar maddəni məhv edir. Adi partlayıcı maddələrdən fərqli olaraq, bu silahlar alovlanan yanacaq buludunu dağıdaraq nəhəng bir od topu və vakuum effekti yaradır…
Fatiqarov bildirib ki, “Yanma müddətini uzatmaq üçün kimyəvi qarışığa alüminium, maqnezium və titan tozları əlavə olunur. Bu, partlayışın temperaturunu 2500 ilə 3000 dərəcə selsi arasına [4532F-dən 5432F-ə] qədər qaldırır”.
Araşdırmaya görə, güclü istilik tez-tez ABŞ istehsalı olan “MK-84” kimi bombalarda istifadə edilən “TNT” və alüminium tozunun qarışığı olan tritonal tərəfindən yaradılır.
Qəzzadakı Fələstin Səhiyyə Nazirliyinin baş direktoru Dr. Munir əl-Burş, təxminən 80 faizi sudan ibarət olan insan bədəninə bu cür həddindən artıq istiliyin bioloji təsirini izah edib.
Əl-Burş belə deyib:
“Suyun qaynama temperaturu 100 dərəcə Selsi [212F]-dir. Bədən 3000 dərəcədən çox enerjiyə, eləcə də böyük təzyiqə və oksidləşməyə məruz qaldıqda, mayelər dərhal qaynayır. Toxumalar buxarlanır və külə çevrilir. Bu, kimyəvi cəhətdən qaçılmazdır.”
Bombaların anatomiyası…
İstintaq Qəzzada istifadə edilən və bu itkin düşmələrlə əlaqəli olan ABŞ istehsalı olan xüsusi sursatları müəyyən edib:
“MK-84”- “Hammer”:
Tritonal ilə doldurulmuş bu 900 kq [2000 funt] idarə olunmayan bomba 3500C [6332F]-ə qədər istilik yaradır.
“BLU-109” bunker partlayıcısı:
İsrailin 2024-cü ilin sentyabr ayında zorla köçkün düşmüş fələstinlilər üçün "təhlükəsiz zona" elan etdiyi ərazi olan əl-Məvasiyə hücumda istifadə edilən bu bomba 22 nəfəri buxarlandırıb. Polad korpusu və qoruyucusu olan bu bomba “PBXN-109” partlayıcı qarışığını partlatmazdan əvvəl özünü basdırır. Bu, qapalı məkanların içərisində böyük bir od topu yaradır və əlçatan hər şeyi yandırır…
“GBU-39”:
Bu dəqiq partlayıcı bomba əl-Tabin məktəbinə hücumda istifadə edilmişdir. “AFX-757” partlayıcısından istifadə olunur.
“GBU-39” binanın strukturunu nisbətən bütöv saxlamaq və içəridəki hər şeyi məhv etmək üçün hazırlanmışdır”, - deyə Fatiqarov qeyd edib. “O, ağciyərləri parçalayan təzyiq dalğası və yumşaq toxumaları yandıran istilik dalğası ilə öldürür.”
Mülki Müdafiə Bazası cəsədlərin yoxa çıxdığı yerlərdə “GBU-39” parçalarının tapıldığını təsdiqləyib.
"Təkcə İsrail tərəfindən deyil, qlobal soyqırım..."
Hüquq mütəxəssisləri bildiriblər ki, bu ayrı-seçkilik qoyulmayan silahların istifadəsi təkcə İsraili deyil, həm də onun Qərb təchizatçılarını günahıdır.
Qətərdəki Corctaun Universitetinin müəllimi, vəkil Diana Buttu bildirib ki, "Bu, təkcə İsrail tərəfindən deyil, qlobal soyqırımdır".
Dohada keçirilən “Əl-Cəzirə” Forumunda çıxış edən Buttu təchizat zəncirinin sübut olunduğunu iddia edib.
“Biz bu silahların ABŞ və Avropadan davamlı axınını görürük. Onlar bu silahların döyüşçü ilə uşaq arasında fərq qoymadığını bilirlər, lakin yenə də onları göndərməyə davam edirlər.”
Buttu vurğulayıb ki, beynəlxalq hüquqa əsasən, istifadəsində döyüşçülərlə döyüşməyənlərə fərq qoyulmayan silahların istifadəsi müharibə cinayəti hesab olunur.
Buttu deyib: “Dünya İsrailin bu qadağan olunmuş silahlara sahib olduğunu və onlardan istifadə etdiyini bilir. Sual budur ki, niyə onlara hesabatlılıq sistemindən kənarda qalmağa icazə verilir”.
Beynəlxalq ədalətin süqutu…
Beynəlxalq Ədalət Məhkəməsinin 2024-cü ilin yanvar ayında İsrailə qarşı müvəqqəti tədbirlər görməsinə, soyqırım aktlarının qarşısını almağı əmr etməsinə və 2024-cü ilin noyabr ayında Beynəlxalq Cinayət Məhkəməsinin İsrail Baş naziri Benyamin Netanyahuya qarşı həbs orderinə baxmayaraq, qətllər daha da şiddətləndi…
Beynəlxalq hüquq professoru Tariq Şandab beynəlxalq ədalət sisteminin "Qəzzanın sınağından keçə bilmədiyini" iddia edib.
“Oktyabr ayında atəşkəs razılaşmasından bəri 600-dən çox fələstinli öldürülüb”, - deyə Şandab bildirib. O, müharibənin mühasirə, aclıq və raket zərbələri ilə davam etdiyini vurğulayıb. “Dərman və qidaya qoyulan blokadanın özü insanlığa qarşı cinayətdir”.
Şandab BMT Təhlükəsizlik Şurasında ABŞ-ın veto hüququ ilə İsrailə verilən "cəzasızlığa" işarə edib. Bununla belə, o, Almaniya və Fransa kimi ölkələrdə universal yurisdiksiya məhkəmələrinin siyasi iradə olduğu təqdirdə ədalətə alternativ yol təklif edə biləcəyini qeyd edib.
Müharibə zamanı Bureyc qaçqın düşərgəsində dörd uşağını itirən Rafiq Bədran üçün bu texniki təriflər az məna kəsb edirdi. O, uşaqlarının cəsədlərinin dəfn etmək üçün onların yalnız kiçik hissələrini əldə edə bilmişdi.
“Uşaqlarımdan dördü buxarlandı”-deyən Badran göz yaşlarını saxlayaraq əlavə edib: “Onları milyon dəfə axtardım. Bir parçaları belə, qalmayıb. Hara getdilər?..”
Tərcümə və təqdim etdi:
Sultan Laçın
Ən son xəbərləri və yenilikləri almaq üçün ain.az saytını izləyin.
