Bəzi insanlar üçün avtomobilin onları sadəcə lazım olan yerə çatdırması kifayətdir. Lakin elə sürücülər də var ki, onlar üçün nəqliyyat vasitəsinin kifayət qədər rahat olması çox vacibdir...
Poliqon xəbər verir ki SlashGear nəşri Consumer Reports araşdırmasına əsaslanaraq komfort səviyyəsindən sahiblərin ən çox narazı qaldığı avtomobil markasını açıqlayıb. Seçim kifayət qədər gözlənilməz olub.
Reytinqə görə, "Acura" avtomobil komfortundan məmnunluq səviyyəsinə görə sonuncu yeri tutub. Bu, 1986-cı ildə yaradılmış "Honda"nın premium markasıdır.
"Acura" avtomobillərinin bir çox sahibi ekspertlərə bildirib ki, bu markanın modellərinin təqdim etdiyi komfort səviyyəsindən narazıdırlar. Ən çox səslənən şikayətlər zəif səs izolyasiyası və o qədər də rahat olmayan oturacaqlarla bağlı olub.
Ümumi sahiblərin məmnunluğu reytinqində "Acura" 26 marka arasında 19-cu yeri tutub. Bu markanın avtomobil sahiblərinin cəmi 59%-i bildirib ki, yenidən eyni markadan avtomobil alardı.
Poliqon.info
