Yaponiyanın mərkəzi bölgələri üzərindən çox parlaq alov topu uçub, bir çox şahid isə hadisəni kameralara çəkə bilib.
Yaponiya sosial mediasında sürətlə yayılan görüntü, ən çox müzakirə olunan mövzulardan birinə çevrilib.
Bu fenomen fevralın 9-da axşam Kanto bölgəsinin böyük bir ərazisində, Tokio, Kanaqava prefekturaları və məşhur Fudzi dağı bölgəsinin sakinləri tərəfindən müşahidə edilib.
Videogörüntülər Kavasaki şəhəri və Naqano Astronomiya Rəsədxanası da daxil olmaqla müxtəlif yerlərdə qeydə alınıb. Hətta Tokio məktəblərindən birindəki astronomiya klubunda orta məktəb şagirdləri belə səma cisminin uçuşunu aydın çəkə biliblər.
