ain.az, Turkstan.az saytına istinadən bildirir.
ABŞ Yaxın Şərqə altı F-35A Lightning II beşinci nəsil gizli qırıcı təyyarələrindən ibarət daha bir qrup yerləşdirib.
Turkustan.az xəbər verir ki, məlumatı Hava və Kosmik Qüvvələr Jurnalı yayıb.
Jurnal məlumatlarına görə, bazar günü, transatlantik uçuşdan sonra, üç KC-135 Stratotanker təyyarəsinin dəstəklədiyi qrup Yaxın Şərqə uçmaq üçün Birləşmiş Krallıqdakı Lakenheath Hava Qüvvələri Bazasında dayanıb.
ABŞ əvvəllər bölgəyə altı təyyarədən ibarət oxşar qrup göndərmişdi. Ərəb dənizində yerləşən Amerika təyyarədaşıyan gəmisində həmçinin 12 F-35C qırıcısından ibarət eskadrilya var. Ötən çərşənbə axşamı onlardan biri təyyarədaşıyana yaxınlaşan İranın Şahed-139 pilotsuz təyyarəsini vurub.
F-35C-lərdən əlavə, təyyarədaşıyan gəmidə həmçinin üç F/A-18 Super Hornet qırıcısı və elektron müharibə və hava erkən xəbərdarlıq təyyarələri də var.
Nəşrin məlumatına görə, ABŞ Hərbi Hava Qüvvələri əvvəllər Yaxın Şərqdəki hava bazalarına üç F-15E Strike Eagles eskadrilyası, bir F-16 Fighting Falcons eskadrilyası və bir A-10 Thunderbolt II hücum təyyarəsi eskadrilyası yerləşdirmişdi.
Jurnal yazır ki, ABŞ bölgədə döyüş təyyarələri ilə yanaşı, hava hücumundan müdafiə vasitələri, o cümlədən Patriot hava hücumundan müdafiə sistemləri və Terminal High Altitude Area Defense (THAAD) raketdən müdafiə sistemləri də yerləşdirib. /Musavat.com/
Daha ətraflı məlumat və yeniliklər üçün ain.az saytını izləyin.
