Suriya hökuməti ilə “Suriya Demokratik Qüvvələri” (SDF) arasında razılaşma əldə olunmasına baxmayaraq, Türkiyə hərbi birləşmələrinin Suriyadan çıxarılması üçün vaxt hələ çatmayıb.
Bizim.Media xəbər verir ki, bunu Türkiyənin Milli Müdafiə Naziri Yaşar Gülər bildirib.
Nazir qeyd edib ki, Ankaranın Dəməşqlə hərbi-siyasi münasibətləri inkişaf edir və Türkiyə qoşunlarının Suriyadan çıxarılması məsələsi ümumiyyətlə gündəmdə deyil.
Yaşar Gülər əlavə edib ki, eyni vəziyyət Türkiyə qüvvələrinin İraqdakı mövqelərinə də aiddir:
«Türkiyə və İraqdan qoşunların çıxarılması qərarını yalnız Türkiyə dövləti verəcək, başqa heç kəs”.
SDF-nin Suriya ordusuna inteqrasiyasını hələlik PKK tərəfindən terror fəaliyyətlərinin dayandırılması ilə əlaqələndirmək üçün erkən olduğunu deyən Gülər bildirib ki, Türkiyə ordusu bütün mümkün alternativlərə hazırdır. Nazir həmçinin ABŞ-ın İran əleyhinə əməliyyatları və qaçqın dalğası ilə əlaqədar sərhəd təhlükəsizliyini gücləndirdiyini vurğulayıb.
Türkiyənin Rumıniyaya hərbi gəmilər satmasını qeyd edən Gülər Ankaranın Avropa təhlükəsizliyində mühüm rolunu diqqətə çatdırıb. O xatırladıb ki, Türkiyənin 2 000 nəfərlik quru və dəniz qüvvələrindən ibarət hərbi birləşməsi 8–20 fevral tarixlərində Baltik dənizində keçiriləcək NATO Steadfast Dart təlimlərində iştirak edəcək.
Qeyd etmək lazımdır ki, NATO təlimlərində Türkiyə qoşunları üçün ən vacib günlər 18 və 19 fevral olacaq.
Bu günlərdə Baykar şirkəti tərəfindən yeni silahlandırılan Bayraktar TB-3 dronu TCG Anadolu desant gəmisindən NATO bazasına, sonra yenidən qalxaraq Anadolu gəmisinə enəcək.
Bizim.Media
