Ağcabədidə ağır qəza - 2 yaralı var

Ağcabədidə "BMW" və “VAZ-2107” markalı minik maşınlarının iştirakı ilə yol-nəqliyyat hadisəsi baş verib.

Bizim.Media xəbər verir ki, hadisə rayonun Poladlı kəndi ərazisində qeydə alınıb.

İlkin məlumata görə, qəza nəticəsində iki nəfər xəsarət alıb.

Yaralılar - 1982-ci il təvəllüdlü Hüseynova Pərvanə İlyas qızı və 1975-ci il təvəllüdlü Nərimanov Mehman Qulam oğlu əvvəlcə Ağdam Mərkəzi Rayon Xəstəxanasına çatdırılıb.

Onlara ilkin tibbi yardım göstərildikdən sonra Bərdə Rayon Mərkəzi Xəstəxanasına köçürülüblər.

Faktla bağlı araşdırma aparılır.

Bizim.Media

• Qəza
• Yaralılar
• Bmw
• Vaz-2107
• Ağcabədidə