Bir pişiyin sahibinə qarşı sevgi hissi keçirdiyini anlamaq hər zaman asan olmur.
Pravda.az bildirir ki, pişiklər sevgilərini özünəməxsus davranışlarla ifadə edirlər.
Pişiyin sizi sevdiyini göstərən əsas əlamətlər:
Pişiyin yavaş-yavaş göz qırpması onun sizə güvəndiyini və özünü rahat hiss etdiyini göstərir. Dizinizin üzərinə çıxaraq oturması isə sizinlə fiziki yaxınlıq qurmaq istədiyinin açıq əlamətidir.
Bəzi pişiklər sahiblərinə “hədiyyə” gətirə bilər. Bu davranış instinktiv olsa da, sevgi və bağlılıq ifadəsi kimi dəyərləndirilir. Eyni zamanda pişiyin mırlaması onun məmnun və xoşbəxt olduğuna işarə edir.
Pişiyin bədənini üzərinizə sürtməsi sizi öz ailəsinin bir hissəsi kimi gördüyünü göstərir. Həmçinin yanınızda rahat formada gərilməsi və əsnəməsi onun özünü təhlükəsiz hiss etdiyini göstərən əlamətlərdəndir.
Qeyd: Bu davranışların bir neçəsi eyni zamanda müşahidə olunursa, pişiyinizin sizi sevdiyinə şübhə yoxdur.
Əminə Bayramova
