Azərbaycan 1-ci liqasında çıxış edən "Şahdağ Qusar" heyətinə daha bir legioner futbolçu c'lb edib/
QOL.az bölgə təmsilçisinin mətbuat xidmətinə istinadən xəbər verir ki, Fildişi Sahilindən olan Alassane Kulibali ilə müqavilə imzalanıb.
24 yaşlı hücumçu mövsümün sonuna qədər Qusar təmsilçisində çıxış edəcək. Kulibali son olaraq ölkəsinin "AFAD-Pleteau" klubunda oynayıb.
Xatırladaq ki, "Şahdağ Qusar" daha əvvəl anqolalı Aqostinyo Çipesseni də transfer edib. Komanda 1-ci liqada geridə qalan 12 turdan sonra 12 xal toplayaraq turnir cədvəlinin 8-ci pilləsində qərarlaşıb.
