Amerikalı milyarder İlon Mask İspaniya hökumətinin 16 yaşdan kiçik istifadəçilər üçün sosial mediaya girişi məhdudlaşdırmaq planlarına cavab verib. O, X-də Baş nazir Pedro Sançesə ünvanlanmış sərt mesajlar paylaşıb.
“The Guardian” qəzetinin məlumatına görə, 3 fevralda Sançes təcili tədbirlər görülməli olduğunu bildirib, çünki sosial media “qanunların qulaqardına vurulduğu və cinayətkarlığa dözümlülük göstərildiyi bir dövlət” təşkil edir. İspaniya baş naziri həmçinin Maskı ötən həftə administrasiyasının 500.000 sənədsiz işçinin statusunu tənzimləmək qərarı ilə bağlı “dezinformasiyanı gücləndirmək” üçün X-dən istifadə etdiyinə görə tənqid edib və əlavə edib ki, Maskın özü də miqrantdır.
Cavab olaraq, Mask X-də yazıb: “Murdar Sançes zalım və İspaniya xalqının düşmənidir.”
//Samir Qurbanov, Editor.az
