Vaşinqton administrasiyası Omanda İran nümayəndələri ilə danışıqlar aparmağa razılıq verib; məsləhətləşmələrin 6 fevralda baş tutacağı gözlənilir. Bu barədə X-də Amerikanın Axios onlayn portalının jurnalisti Barak Ravid məlumat verib.
İran Xarici İşlər Nazirliyi ABŞ ilə danışıqların vaxtı və yeri ilə bağlı məsləhətləşmələr aparır
Ərəb dövlətindəki mənbəyə görə, "ABŞ və İran arasında nüvə proqramı ilə bağlı danışıqların cümə günü Omanda keçirilməsi gözlənilir". Bu məlumata görə, "Tramp administrasiyası İran tərəfinin xahişi ilə danışıqların Türkiyədən Omana keçirilməsinə razılıq verib". Jurnalist əlavə edib ki, "ərəb və müsəlman dövlətlərinin Oman danışıqlarında iştirak edib-etməyəcəyi ilə bağlı məsləhətləşmələr hələ də davam edir".
Portal əvvəllər İranın ABŞ ilə danışıqların formatını ikitərəfli formata dəyişdirmək və məkanı İstanbuldan Omana köçürmək niyyətində olduğunu bildirmişdi.
Əziz MUSTAFA
