Goranboy, 3 fevral, AZƏRTAC
Gənclər və İdman Nazirliyi, Goranboy Rayon İcra Hakimiyyətinin birgə təşkilatçılığı ilə “Goranboy 2026 – Gənclər Paytaxtı” çərçivəsində GəncFest və konsert proqramı keçirilib.
AZƏRTAC xəbər verir ki, tədbir Goranboy rayonunda yerləşən Heydər Əliyev parkında baş tutub.
Gənclər hərbi-vətənpərvərlik, yaradıcılıq, stolüstü oyunlar, intellektual yarışlar, interaktiv təlimlər və əyləncə zonalarında müxtəlif fəaliyyətlərdə iştirak ediblər.
Konsert proqramında DJ performansı nümayiş olunub, tanınmış ifaçılar çıxış ediblər.
Gənclər üçün bayram əhval-ruhiyyəsində keçən tədbir möhtəşəm atəşfəşanlıqla yekunlaşıb.
Qeyd edək ki, “Goranboy 2026 – Gənclər Paytaxtı” çərçivəsində keçirilən tədbirlərin əsas məqsədi gənclərin asudə vaxtının səmərəli təşkili, onların sosial fəallığının artırılması və ictimai həyata daha aktiv cəlb olunmasıdır.
