Bizimyol portalından verilən məlumata görə, ain.az xəbər yayır.
Elon Mask ABŞ-da yeni vətəndaş müharibəsinin başladığı iddiası ilə razılaşıb.
Bizimyol.info xəbər verir ki, o, bununla bağlı "X" sosial şəbəkəsində "ZeroHedge"də dərc olunan "Vətəndaş Müharibəsi 2.0-ın artıq başladığını qəbul etməyin vaxtıdır" başlıqlı yazıya şərh verərək "Görünür, belədir" yazıb.
24 yanvarda Minneapolisdə (Minnesota) Sərhəd Patrul agenti şəhərdə bir kişini güllələyərək öldürdükdən sonra daha bir etiraz dalğası başlayıb.
ABŞ Daxili Təhlükəsizlik Departamenti bildirib ki, federal agentlər onun silahını müsadirə etməyə çalışarkən mərhum onlara müqavimət göstərib.
7 yanvarda qanunsuz immiqrantların axtarışı zamanı İmmiqrasiya və Gömrük Mühafizəsi əməkdaşları bir qadından avtomobilində yolun ortasında dayanmasını və avtomobilindən çıxmasını tələb ediblər.
Maşın irəliləməyə başlayanda zabitlərdən biri sürücüyə atəş açıb və qadın aldığı güllə yarasından ölüb.
Bu hadisələr geniş ictimai etirazlara səbəb olub və Demokratlar və onların tərəfdarları tərəfindən Respublikaçı ABŞ Prezidenti Donald Tramp və onun ətrafındakıların, eləcə də təhlükəsizlik qüvvələrinin hərəkətlərinin tənqidinə səbəb olub.
Bundan əvvəl, Ağ Evin göstərişi ilə qanunsuz immiqrantların saxlanılmasını gücləndirmək və cinayətkarlığa qarşı mübarizə aparmaq üçün şəhərə böyük qüvvələr yeridilib.
Nəticədə, Minneapolisdə bu qüvvələrin mövcudluğuna və onların sərt taktikalarına qarşı etirazlar başlayıb.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
