ABŞ Prezidenti Donald Tramp vacib mineralların strateji ehtiyatının yaradılması üçün təxminən 12 milyard dollarlıq layihəni təqdim edib.
“İki sahil” xəbər verir ki, bu barədə "The New York Times" qəzeti məlumat yayıb.
"Son bir il ərzində administrasiyam ABŞ-nin ehtiyac duyduğu bütün vacib minerallara və nadir torpaq metallarına sahib olmasını təmin etmək üçün misli görünməmiş addımlar atıb", - deyə o qeyd edib.
Onun sözlərinə görə, layihənin maliyyələşdirilməsinə 1,67 milyard dollarlıq özəl vəsait və ABŞ İxrac-İdxal Bankından 10 milyard dollarlıq kredit daxildir. Bankın direktorlar şurası bazar ertəsi günü krediti təsdiqləyib.
Layihə şirkətləri nadir torpaq metallarının qiymət dəyişkənliyindən qorumaq üçün nəzərdə tutulub.
