Gəncədə bıçaqlanma hadisəsi baş verib.
Fanat.Az xəbər verir ki, bıçaqlanan şəxs “Kəpəz” klubunun futbolçusu Veysəl Rzayevdir.
2002-ci il təvəllüdlü futbolçu kəsilmiş-deşilmiş yarası ilə xəstəxanaya yerləşdirilib.
O, əməliyyat edilib, vəziyyətinin orta-ağır olduğu bildirilir.
DİN-in regional qrumundan bildirilib ki, faktla bağlı polis əməkdaşları tərəfindən araşdırma aparılır. Əməli törədən şəxsin saxlanılaraq istintaqa təhvil verilməsi istiqamətində tədbirlər görülür.
Veysəl Rzayev "Kəpəz"ə “Turan Tovuz” klubundan transfer edilib.
