GlobalInfo portalından verilən məlumata əsasən, ain.az bildirir.
İran Silahlı Qüvvələrinin Baş Qərargah rəisi, general-mayor Əbdürrəhim Musəvi ölkəsinin dənizdən mühasirə yolu ilə zəiflədilə biləcəyi ilə bağlı iddiaları rədd edib.
Globalinfo.az xəbər verir ki, bu barədə “Shargh News” məlumat yayıb.
O bildirib ki, İranın coğrafi mövqeyi və strateji imkanları ölkənin mühasirəyə alınmasını qeyri-mümkün edir.
Musəvi bazar günü gecə saatlarında hərbi hissələrdən birinə səfəri zamanı İranın İsrailə qarşı mümkün cavab tədbirlərinə tam hazır olduğunu vurğulayıb və ordunun verilən əmrləri yerinə yetirməyi gözlədiyini bildirib.
Onun sözlərinə görə, hər hansı yanlış hesablanma daha geniş regional qarşıdurmaya yol aça bilər.
General-mayor qeyd edib ki, 12 günlük müharibədən sonra İran hərbi doktrinasına yenidən baxıb. Yeni yanaşma sürətli və davamlı əməliyyatlara əsaslanan müdafiə mövqeyindən daha aktiv hücum strategiyasına keçidi nəzərdə tutur.
Musəvi həmçinin eskalasiya baş verəcəyi təqdirdə ABŞ və onun regiondakı müttəfiqlərinin də təhlükə ilə üzləşəcəyini deyib və bunun genişmiqyaslı regional münaqişəyə səbəb ola biləcəyi barədə xəbərdarlıq edib.
Tahir Turan
Globalinfo.az
Daha ətraflı məlumat və yeniliklər üçün ain.az saytını izləyin.
