Səudiyyə Ərəbistanının Dövlət İnvestisiya Fondu (PIF) fransalı hücumçu Kərim Benzemanın “Əl-İttihad”dan “Əl-Hilala” transferi ilə bağlı danışıqları müvəqqəti olaraq dayandırıb.
Publika.az xəbər verir ki, bu barədə jurnalist Saşa Tavolieri “X” sosial media platformasında məlumat verib.
Mənbənin məlumatına görə, Ronaldonun fondun “Əl-Nəsr”ə əlavə transfer vəsaiti ayırmaq istəməməsindən narazılığı səbəbindən Benzema ilə müqavilə müvəqqəti olaraq ləğv edilib. Mediada əvvəllər portuqaliyalının oyunları boykot etməklə hədələdiyi bildirilirdi.
