Dietoloq Rob Hobson bildirib ki, müntəzəm pivə istehlakı bağırsaq funksiyasını pozur və iltihabi proseslərin inkişafına səbəb olur.
Qaziler.az bildirir ki, o, "Daily Mail" qəzetinə verdiyi müsahibədə köpüklü içkinin gizli təhlükələri barədə xəbərdarlıq edib.
Dietoloq bildirib ki, pivədəki alkoqol, karbonatlaşma və fermentasiya edilə bilən karbohidratların kombinasiyası bağırsaqlar üçün xüsusilə təhlükəlidir.
"Alkoqol bağırsaq sağlamlığını pozan bir maddədir: bağırsaq divarının keçiriciliyini qaldırır, iltihabı artırır, bakteriyaların balansını dəyişdirir və faydalı mikroorqanizmlərin sayını azaldır", - o, deyib.
Hobson izah edib ki, bu komponentlərin kombinasiyası, xüsusən də həssas bağırsaqları olan insanlarda şişkinliyi və mədə narahatlığını artıra bilər. Bundan əlavə, müntəzəm pivə istehlakı iltihab və metabolik pozğunluqlarla əlaqəli bakteriyaların böyüməsi üçün əlverişli şərait yaradır.
Mütəxəssis zərərin dərəcəsinin alkoqollu içkilərin miqdarından və tezliyindən asılı olduğunu vurğuladı. Hətta nisbətən az spirtli içkilər belə müntəzəm olaraq qəbul edildikdə bağırsaq sağlamlığına mənfi təsir göstərə bilər.
QAZİLER.AZ
