Bəzi valideyn vərdişləri yetkin övladlarla münasibətlərdə gərginlik yaradır və onların ailədən fiziki və emosional olaraq uzaqlaşmasına səbəb ola bilər.
Pravda.az bildirir ki, bu cür davranışlar övladların başqa şəhərə köçmək qərarını sürətləndirən əsas amillər sırasındadır.
Araşdırmalara görə, şəxsi sərhədlərə hörmət edilməməsi, daimi müdaxilə və lazımsız məsləhətlər yetkin uşaqlarda müstəqillik ehtiyacını daha da gücləndirir. Bundan əlavə, valideynlərin suçluluq hissi yaratması, həddindən artıq emosional reaksiyalar verməsi və övladlarını hələ də uşaq kimi qəbul etməsi münasibətlərdə məsafə yaradır.
Mütəxəssislər həmçinin qeyd edirlər ki, övladların həyat yoldaşı və ya partnyor seçiminə hörmətsiz yanaşma, ailə məsuliyyətlərinin onların üzərinə yüklənməsi də ayrılıq qərarını qaçılmaz edə bilər.
Psixoloqlar valideynlərə yetkin övladların fərdi qərarlarına hörmətlə yanaşmağı, onların şəxsi sərhədlərini tanımağı və münasibətləri nəzarət üzərində deyil, qarşılıqlı anlayış üzərində qurmağı tövsiyə edirlər.
Əminə Bayramova
