Qış aylarında elektrik və isitmə sistemi olmadıqda evdə soyuqdan qorunmaq ciddi problemə çevrilir.
Milli.Az xəbər verir ki, mütəxəssislərin sözlərinə görə, bu halda çarpayının altına qoyulan bəzi sadə əşyalar belə bədəni soyuqdan qismən də olsa qoruya bilər.
Belə ki, çarpayının altına qalın yorğan-döşək, köhnə xalça, karton qutular və ya taxta lövhələr yerləşdirmək döşəmədən gələn soyuğun qarşısını alır. Xüsusilə beton döşəmələrdə soyuq birbaşa bədənə keçdiyi üçün bu üsul daha effektiv sayılır.
Eyni zamanda, isti su ilə doldurulmuş plastik butulkalar da çarpayının altına qoyula bilər. Bu, müvəqqəti istilik mənbəyi rolunu oynayaraq gecə boyu bədəni nisbətən isti saxlayır.
Mütəxəssislər bildirir ki, çarpayının altının boş qalması soyuğun yuxarı qalxmasına şərait yaradır. Ona görə də, isitmə və işıq olmadıqda belə sadə üsullarla istilik itkisini minimuma endirmək mümkündür.
Hüseyn
Milli.Az
