ABŞ hökumətinin daha bir dəfə bağlanması ehtimalı, geosiyasi risklər və ABŞ Federal Ehtiyat Sisteminin (FED) yeni sədrinin kim olacağı ilə bağlı qeyri-müəyyənlik səbəbindən Asiya fond bazarları qarışıq göstəricilər nümayiş etdirir.
Qlobal bazarlar həftənin son ticarət günündə qarışıq performans nümayiş etdirdi. Bu, ABŞ hökumətinin daha bir bağlanma ehtimalı, Fed sədrliyinə potensial namizədlərlə bağlı inkişaflar və korporativ mənfəət hesabatlarından gələn siqnalların təsiri altında baş verdi. ABŞ prezidenti Donald Trampın bu gün Fed sədri vəzifəsinə namizədini açıqlayacağı gözlənilir.
ABŞ-da iqtisadi və siyasi inkişaflar aktivlərin qiymətlərinə təsir etməyə davam edir.
Hökumətin qismən bağlanması və İrana qarşı hərbi müdaxilə ilə bağlı narahatlıqlarla başlayan həftə, Fed-in pul siyasəti qərarları və texnologiya şirkətlərinin mənfəət hesabatlarından gələn qarışıq siqnalların təsiri altında nisbətən aşağı risk iştahı ilə başa çatır.
Bu arada, Prezident Tramp Fed sədri vəzifəsinə namizədini bu gün açıqlayacağını bildirib. Trampın namizəd göstərə biləcəyi adlar arasında Ağ Ev Milli İqtisadi Şurasının direktoru Kevin Hassett, Fed İdarə Heyətinin üzvü Kristofer Uoller, Fed-in keçmiş İdarə Heyətinin üzvü Kevin Uorş və aktivlərin idarə edilməsi şirkəti BlackRock-un meneceri Rik Rider var.
Lakin, Fed-in keçmiş İdarə Heyətinin üzvü Kevin Uorş bu adlar arasında fərqlənir. ABŞ mediasının verdiyi xəbərlərə görə, Uorşun Fed-ə rəhbərlik etmək üçün Tramp tərəfindən namizəd göstərilmə ehtimalı yüksəkdir.
