Lent az saytından alınan məlumatlara görə, ain.az xəbər verir.
Bəzi texniki bilikləri yüksək olan istifadəçilər süni intellekt həvəskarları kateqoriyasına daxildirlər. Siyahının digər ucunda isə tədbirli tədqiqatçılar yer alır. Onlar süni intellekt dünyasına yalnız qismən daxil olublar. Əgər siz daim üstünlükləri və mümkün riskləri müqayisə edirsinizsə, maraqlı mənimsəyən ola bilərsiniz. Əgər sizin üçün əsas olan nəticə və rahatlıqdırsa, mütəxəssislər sizi böyük ehtimalla sadəlövh praqmatik adlandırır.
Lent.az xəbər verir ki, tədqiqatın aparıcı müəllifi, Qumboldt İnternet və Cəmiyyət İnstitutundan doktor Kristof Gerlinqin sözlərinə görə, süni intellektdən istifadə ilk baxışda intuitiv görünsə də, onun mənimsənilməsi araşdırma, bacarıqların inkişafı və sınaqlar yolu ilə öyrənmə tələb edir.
Tədqiqat çərçivəsində alimlər ChatGPT-nin ictimaiyyətə təqdim olunmasından sonrakı ilk dörd ay ərzində 344 erkən istifadəçinin məlumatlarını təhlil ediblər. Nəticədə məlum olub ki, əvvəlki texnologiyalarda tətbiq edilən vahid yanaşma süni intellektdən istifadənin bu qədər müxtəlif formalarına uyğun gəlmir. Araşdırma göstərib ki, ilk istifadəçilərin hər biri dörd fərqli qrupdan birinə aid edilə bilər.
Birinci qrupa “süni intellekt həvəskarları” daxildir. Onlar iştirakçıların 25,6 faizini təşkil edib və həm məhsuldarlıq, həm də sosial üstünlüklər əldə etməyə çalışan yüksək aktiv istifadəçilər kimi xarakterizə olunublar. Bu qrup süni intellektin praktik faydaları ilə tam razılaşır və eyni zamanda çat-botla ünsiyyət zamanı “sosial mövcudluq hissi” yaşayan yeganə qrupdur. Bu isə onların süni intellekt alətlərinə bəzən real insan kimi yanaşdıqlarını göstərir.
“Sadəlövh praqmatiklər” isə daha çox faydalılığa yönəlir, rahatlıq və nəticəni ön planda tutur. Lakin onların süni intellektə həddindən artıq etibar etməsi müəyyən risklər yarada bilər.
“Maraqlı və ehtiyatlı istifadəçilər” funksional üstünlüklərlə yanaşı potensial mənfi cəhətləri də daim dəyərləndirir və ayıq mövqe saxlayırlar.
“Tədbirli tədqiqatçılar” isə daha skeptik yanaşır. Onlar süni intellekti sınaqdan keçirsələr də, texnologiyanın üstünlüklərinə tam əmin deyillər.
Bundan əvvəl yayılan başqa bir araşdırmada isə bildirilib ki, şəxsi məsləhətlər üçün süni intellektdən istifadə bəzi hallarda narahatlıq pozuntularının artması ilə əlaqələndirilə bilər. Massaçusets Universitetinin Brigham bölməsinin tədqiqatçıları ABŞ-da əsasən ağdərili kişi və qadınlardan ibarət 20 847 nəfər arasında sorğu keçirərək onların süni intellektdən istifadə səviyyəsini və psixi sağlamlıq əlamətlərini araşdırıblar. Nəticələr süni intellektlə fərdi münasibətin psixoloji təsirlərə də səbəb ola biləcəyini göstərib.
Hadisənin gedişatını izləmək üçün ain.az saytında ən son yeniliklərə baxın.
