AZ
Mövzular
Müharibə
30.01.2026 ◦ 10:41

Belarus Ordusunda PUA-lara qarşı döyüş hazırlığı gücləndirilir- ÖZƏL 

Belarus Silahlı Qüvvələrinin şəxsi heyəti Qrodno vilayətində keçirilən çöl təlimləri zamanı müdafiə əməliyyatları və pilotsuz uçuş aparatlarına (PUA) qarşı mübarizə bacarıqlarını təkmilləşdirir. Olaylar.az xəbər verir ki, bu barədə Belarus Müdafiə Nazirliyinin mətbuat xidməti məlumat yayıb. Bildirilib ki, Qojsk poliqonunda 6-cı ayrıca qvardiya mexanikləşdirilmiş briqadasının bölmələri ilə sahə məşğələləri keçirilir. Təlimlər çərçivəsində motoatıcı bölmələr müdafiə mövqelərinin təşkili, səngər və binaların şturmu, eləcə də PUA-lara qarşı döyüş fəaliyyətlərini icra edirlər.
Eyni zamanda, BMP-2 və BTR-82A döyüş maşınlarının ekipajları silahlanmadan atəş açır, şəxsi heyət isə atıcılıq poliqonunda atıcı silahlardan nəzarət atışları üzrə normativləri yerinə yetirir.
Nazirlik vurğulayıb ki, bütün tapşırıqlar müasir hərbi münaqişələrin təcrübəsi nəzərə alınmaqla icra olunur.
Qeyd edək ki, yanvarın 16-dan etibarən Belarus Silahlı Qüvvələrində prezident Aleksandr Lukaşenkonun tapşırığı ilə genişmiqyaslı və qəfil yoxlama aparılır. Yanvarın 26-da müdafiə naziri Viktor Xrenin ölkə ordusunda döyüş hazırlığının yoxlanılmasına başlanıldığını bildirib. Onun sözlərinə görə, Müdafiə Nazirliyi və Baş Qərargahın planı əsasında keçirilən yoxlama ilə prezidentin sərəncamı ilə başlanan yoxlama paralel xarakter daşıyır və bir-biri ilə əlaqəli deyil.

Təklifinizi, şikayətinizi bizə yazın. Sizi dinlərik. 055 634 88 31
Seçilən
8
16
olaylar.az

10Mənbələr