Banco.az saytına istinadən ain.az xəbər verir.
Müəllif:Mehin Qasımova,Banco.az
Rusiya Maliyyə Nazirliyi fiziki şəxslər tərəfindən qızıl külçələrinin ixracını məhdudlaşdırmağa hazırlaşdığını açıqlayıb.
Banco.az xəbər verir ki, Rusiya maliyyə nazirinin müavini Aleksey Moiseyev bildirib ki, onlar hökumətə fərdlərin ölkədən 100 qramdan çox qızıl külçə çıxarmasını qadağanetmək üçün təklif təqdim ediblər.
Moiseyev bildirib ki, onlar Rusiyadan 100 qramdan çox qızıl külçə ixracını qadağan etməyə hazırlaşırlar və əlavə edib: "Bütün qurumlarla razılığa gəldik və təklifi hökumətə təqdim etdik. Ümid edirəm ki, bu, hökumət tərəfindən kifayət qədər tez nəzərdən keçiriləcək və baxılması üçün prezident administrasiyasına göndəriləcək".
Dünyanın ən böyük qızıl istehsalçılarından biri olan Rusiyada Qərb ölkələrinin tətbiq etdiyi sanksiyalardan sonra qiymətli metala maraq artır.
Rusiyanın qızıl ehtiyatları 2025-ci ilin noyabr ayında ilk dəfə olaraq 300 milyard dolları keçərək ölkənin beynəlxalq ehtiyatlarında qızılın payını 42,3 faizə çatdırıb.
Sonrakı hadisələr barədə daha çox məlumat almaq üçün ain.az saytını izləyin.
