AFFA İntizam Komitəsinin növbəti iclası keçirilib.
"Yeni Sabah" xəbər verir ki, iclasda Misli Premyer Liqasının 17-ci turunda baş verən qayda pozuntuları ilə bağlı qərarlar verilib.
“İmişli” – “Araz-Naxçıvan” oyununda “İmişli” komandasında 6 nəfər sarı vərəqə aldığı üçün klub 700 manat cərimə edilib. “Araz-Naxçıvan” komandasının 4 futbolçusu sarı vərəqə aldığı üçün klub 700 manat cərimə edilib.
“Neftçi” – “Zirə” oyununda oyun günü planı pozulduğuna görə “Neftçi” 2000 manat cərimələnib.
"Qarabağ” – “Kəpəz” oyunu bitdikdən sonra meydançaya kənar şəxs daxil olduğuna görə “Qarabağ” komandası 2500 manat ziyana düşüb.
“Sabah” – “Karvan-Yevlax” oyununda “Sabah” komandasında 5 nəfər sarı vərəqə aldığı üçün klub 700 manat cərimələnib.
Telegram kanalımız
