Sumqayıt şəhərində zəncirvari yol-nəqliyyat hadisəsi qeydə alınıb.
KONKRET.az xəbər verir ki, hadisə şəhərin Nizami küçəsində baş verib.
Məlumata əsasən, iki “Mercedes” və bir “Opel” markalı minik avtomobilinin iştirakı ilə baş verən toqquşma nəticəsində xəsarət alanlar olub. Hadisə zamanı yol infrastrukturuna da ciddi ziyan dəyib.
Hadisə yerinə aidiyyəti qurumların əməkdaşları cəlb olunub. Faktla bağlı araşdırma aparılır, qəzanın səbəbləri dəqiqləşdirilir.
