"Çelsi" tanınmış futbolçusu Rahim Sterlinqlə yollarını ayırıb.
QOL.az klubun rəsmi saytına istinadən xəbər verir ki, "zadəganlar"la 31 yaşlı yarımmüdafiəçi arasında müqaviləyə qarşılıqlı razılıq əsasında xitam verilib.
Qeyd edək ki, təcrübəli futbolçu bu mövsüm "Çelsi"nin heyətində heç bir rəsmi oyuna çıxmayıb və əsas komandadan ayrı məşq edib. Onun londonlularla müqaviləsi 2027-ci ilin iyununa qədər nəzərdə tutulmuşdu.
Xatırladaq ki, Sterlinq ötən mövsümü icarə əsasında "Arsenal"da keçirib.
