"Mançester Siti"nin baş məşqçisi Xosep Qvardiola hücumçu Erlinq Haalandın son oyunlardakı uğursuz seriyasına münasibət bildirib.
QOL.az xəbər verir ki, "City Xtra"nın məlumatına görə, ispaniyalı mütəxəssis norveçli forvardın qol vurması üçün komandanın daha yaxşı oynamalı olduğunu deyib.
O, son 9 oyunda cəmi 1 qol vuran futbolçusunu müdafiə edib:
"Komanda daha çox qol epizodu yaratmalıdır, onda o da mütləq qollarını vuracaq. Hücumçunu heç vaxt gözdən salmaq olmaz. O, karyerası boyu qol vurmağa davam edəcək".
Qeyd edək ki, Haaland bu mövsüm bütün turnirlərdə 32 oyuna çıxıb, 26 qol və 4 məhsuldar ötürmə ilə yadda qalıb.
