"Qardaşımın səhhəti ilə bağlı indiyədək ciddi şikayəti olmayıb. Hadisə qəfil baş verib, avtobusda insult keçirib, hələ də baş verənlərin təsiri altındayıq".
"Cebheinfo.az" xəbər verir ki, bu barədə Teleqraf-a ehtiyatda olan general-leytenant Yaşar Aydəmirov ötən gün 53 saylı avtobusda vəfat edən qardaşı, tanınmış cərrah Məhyəddin Aydəmirov barədə danışarkən deyib.
Onun sözlərinə görə, qardaşının 35 illik cərrahlıq təcrübəsi vardı:
"Heç vaxt səhhəti ilə bağlı bir şikayətini eşitməmişdik. Ona görə onun bu cür vəfat etməsi hamımız üçün gözlənilməz oldu" - deyə bildirib.
Uşaq cərrahı Məhyəddin Aydəmirov Xocəsən qəbiristanlığında dəfn edilib.
15:28
Xəbər verdiyimiz kimi, tanınmış uşaq cərrahı Məhyəddin Aydəmirov dünyasını dəyişib.
"Cebheinfo.az" Unikal-a istinadən xəbər verir ki, vəfat edən M.Aydəmirov ehtiyatda olan general-leytenant, keçmiş korpus komandiri Yaşar Aydəmirovun qardaşıdır.
Qeyd edək ki, mərhum həkim 1993-2023-cü illərdə Sumqayıt Uşaq Xəstəxanasında uşaq cərrahı olaraq çalışıb. O, avtobusda ürəktutmadan həyatını itirib. Ötən gün dəfn olunub.
09:48
Tanınmış uşaq cərrahı Məhyəddin Aydəmirov 67 yaşında dünyasını dəyişib.
"Cebheinfo.az" xəbər verir ki, bu barədə sosial şəbəkədə məlumat paylaşılıb.
Mərhum uzun müddət Sumqayıt Uşaq Xəstəxanasında uşaq cərrahı kimi işləyib.
"Cebheinfo.az"
