İsveçrənin "Bazel" klubu əsas komandanın baş məşqçisini açıqlayıb.
Fanat.Az xəbər verir ki, bu posta 42 yaşlı mütəxəssis Stefan Lixtştayner təyin edilib.
Onunla müddəti 2029-cu ilə qədər nəzərdə tutulan müqavilə imzalanıb.
Lixtştayner məşqçilik karyerasına 2021-ci ildə, İsveçrənin U-18 millisində köməkçi məşqçi qismində başlayıb. O, daha sonra "Bazel"in U-16 komandasını və 4-cü liqada mübarizə aparan "Vettsvil"i çalışdırıb.
Futbolçu kimi "Qrasshopper", "Lill", "Yuventus", "Latsio", "Arsenal" və "Auqsburq"dakı çıxışı ilə tanınan Stefan ölkəsinin millisində 108 oyun keçirib və karyerasını 2020-ci ildə bitirib.
Nihat
