"Bu kontekstdə tərəfdaşlıq sadəcə maliyyə məsələsindən daha önəmlidir. Pul qədər dəyərli olan çoxsaylı imkanlar mövcuddur", - deyə Pinhas bildirib. Onun sözlərinə görə, İsrailin ABŞ silahlarının alınması üçün istifadə etdiyi illik milyardlarla dollar həcmində "pulsuz maliyyə vəsaiti" bu sazişin yalnız bir komponentidir.
Pinhas əlavə edib ki, İsrail hazırkı və gələcək birgə hərbi sistemlərin hazırlanması layihələrini də müzakirə etmək niyyətindədir. Bu layihələr mütləq yeni 10 illik saziş çərçivəsində deyil, ayrıca razılaşmalar əsasında da həyata keçirilə bilər. "Siz investisiya qoyursunuz, onlar da qoyur və nəticədə hər iki tərəf qazanır", - deyə o vurğulayıb.
Qeyd edək ki, təhlükəsizlik sahəsində yeni "qarşılıqlı anlaşma memorandumu" üzrə danışıqlar Qəzzada davam edən müharibə səbəbindən bir müddət təxirə salınmışdı. İsrail tərəfinin təklifinə əsasən, yeni saziş çərçivəsində vəsaitin bir hissəsi birbaşa hərbi yardıma deyil, ABŞ-İsrail birgə elmi-tədqiqat və inkişaf layihələrinə yönəldilə bilər. Bu layihələrə müdafiə texnologiyaları, müdafiə sahəsində süni intellekt və "Qızıl Qübbə" adlı raketdən müdafiə sistemi də daxildir.
Təklifinizi, şikayətinizi bizə yazın. Sizi dinlərik. 055 634 88 31
