Rusiya Prezidenti Vladimir Putin Leninqrad vilayətinin qubernatoru Aleksandr Drozdenko ilə görüşündə Moskvanın Ukrayna infrastrukturuna hücumları dayandırmaq üçün müraciətlər aldığını, lakin Ukraynanın Rusiya ərazisinə dronlardan istifadə edərək sistematik şəkildə hücum etməyə davam etdiyini qeyd edib.
Publika.az xəbər verir ki, söhbətin təfərrüatları “RİA Novosti” tərəfindən dərc edilib.
“Və bizdən bunu etməməyimiz xahiş olunur”, - Putin bildirib. Drozdenko həmçinin prezidentə regionun müdafiəsinin gücləndirilməsi üzrə görülən işlər barədə məlumat verib: planlaşdırılan 17 hava hücumundan müdafiə qurğusundan 16-sı artıq tamamlanıb.
Enerji Tədqiqatları Mərkəzinin (ERC) direktoru Aleksandr Xarçenko "Obşçestvennoe" nəşrinə verdiyi müsahibədə bildirib ki, Rusiya Silahlı Qüvvələri Kiyev istilik elektrik stansiyalarına (İES) hücum edib.
