ABŞ Prezidenti Donald Tramp “Axios”a verdiyi müsahibədə bildirib ki, radikal HƏMAS hərəkatı tərəfindən bütün İsrail girovlarının geri qaytarılması Qəzza sazişinin ikinci mərhələsinə tam diqqət yetirməyə imkan verəcək.
Onun sözlərinə görə, HƏMAS hərəkatı bu gün Qəzza zolağında saxlanılan sonuncu israilli girov Ran Qvilinin qalıqlarının qaytarılmasında kömək göstərib.
Tramp qeyd edib ki, “Onlar (Həmas nümayəndələri) cəsədi geri qaytarmaq üçün çox çalışıblar. Onlar bu məsələdə İsraillə əməkdaşlıq ediblər. Bunun nə qədər çətin olduğunu təsəvvür edə bilərsiniz”.
O, bütün girovların – həm diri, həm də ölülərin – İsrail tərəfinə qaytarıldığını aydınlaşdırdı. Vaşinqton administrasiyasının yüksək vəzifəli rəsmisi bu hadisəni sülh planının həyata keçirilməsi üçün kritik an adlandırdı və qeyd etdi ki, artıq diqqət tam olaraq sazişin ikinci mərhələsinə yönəldilə bilər.
Tramp bildirib ki, o, artıq İsrailin Baş naziri Binyamin Netanyahu ilə vəziyyəti müzakirə edib.
“Heç kim bütün girovları geri qaytaracağımıza inanmırdı. Bu, əla an idi. İndi isə vəd etdikləri kimi, HƏMAS-ı tərksilah etməliyik”, – deyə Amerika lideri əlavə edib.
