Qəzza zolağında saxlanılan sonuncu israilli girov, mayor C.Ran Qvilinin meyitinin kimliyi müəyyən edilərək dəfn olunmaq üçün İsrailə qaytarılıb.
Senzor.az yerli KİV-ə istinadən bildirir ki, bu barədə İsrail Müdafiə Qüvvələrinin nümayəndəsi məlumat verib.
“İsrail Müdafiə Qüvvələrinin rəsmiləri Ran Qvilinin ailəsinə onun şəxsiyyətinin müəyyən edildiyi və dəfn olunmaq üçün geri qaytarılacağı barədə məlumat veriblər”, - deyə məlumatda vurğulanıb.
Bildirilir ki, İsrail polisinin xüsusi təyinatlı dəstəsində xidmət edən 24 yaşlı mayor Ran Qvili 2023-cü il oktyabrın 7-də 24 yaşında döyüş zamanı öldürülüb. Onun cəsədi qaçırılaraq Qəzza zolağında saxlanılıb.
