ain.az bildirir, Marja.az portalına istinadən.
Audit və konsaltinq sahəsində fəaliyyət göstərən “NR ProAudit” qısa, lakin məhsuldar bir dövr ərzində ilk bir illik fəaliyyət mərhələsini uğurla tamamlamışdır. Bu müddət ərzində əsas fəaliyyət fəlsəfəmiz olan keyfiyyət, dürüstlük və peşəkar yanaşma prinsipləri üzərində möhkəm və dayanıqlı təməl formalaşdırılmışdır.
Bu barədə Marja.az-a “NR ProAudit” şirkətindən bildirilib.
Qeyd edilib ki, hesabat dövrü ərzində şirkətin müştəri portfelinə Azərbaycan Respublikasının Kiçik və Orta Biznesin İnkişafı Agentliyi, Təhsil Tələbə Kredit Fondu, eləcə də “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” Publik Hüquqi Şəxsi kimi strateji əhəmiyyətə malik dövlət qurumları daxil olmuşdur. Bununla yanaşı, SOCAR-ın törəmə müəssisələri və podratçıları üçün audit və maliyyə məsləhət xidmətlərinin göstərilməsi şirkətə olan yüksək etimadın bariz nümunəsidir. Eyni zamanda çoxsaylı kiçik və orta sahibkarlıq subyektlərinə təqdim olunan audit və konsultasiya xidmətləri nəticəsində biznes proseslərinin səmərəliliyi artırılmış, maliyyə idarəetməsi gücləndirilmiş və davamlı inkişaf təmin edilmişdir.
Vurğulanıb ki, “NR ProAudit” şirkəti fəaliyyətə başladığı ilk gündən etibarən Qarabağ regionunda həyata keçirilən və dövlət tərəfindən icra olunan iri tikinti və bərpa layihələrində iştirak edən təşkilatlarla əməkdaşlığı prioritet istiqamət kimi müəyyən etmişdir. Bu layihələrdə audit və maliyyə məsləhət xidmətlərinin göstərilməsi yalnız kommersiya fəaliyyəti deyil, eyni zamanda ölkənin iqtisadi dirçəlişinə verilən peşəkar töhfə kimi qiymətləndirilir.
“İnsan kapitalının inkişafı şirkətimizin əsas strateji üstünlüklərindən biridir. Hazırda komandamız 16 peşəkar əməkdaşdan ibarətdir və onlardan 5 nəfəri ACCA Member statusuna malikdir. Bu göstərici, xüsusilə bir ilini yeni tamamlayan şirkət üçün, xidmətlərimizin beynəlxalq audit və maliyyə standartlarına tam uyğunluğunu təsdiqləyir və müştərilərə əlavə etibar yaradır”,- məlumatda bildirilir.
“Qarşıdakı dövrdə fəaliyyət sahələrinin genişləndirilməsi, xidmət keyfiyyətinin daha da yüksəldilməsi, insan resurslarına investisiyanın davam etdirilməsi və bazarda etibarlı, uzunmüddətli tərəfdaş mövqeyinin möhkəmləndirilməsi əsas strateji hədəflərimizdir
Bu bir ilin uğurlu nəticələrinin əldə olunmasında əməyi olan bütün əməkdaşlarımıza, tərəfdaşlarımıza və bizə etimad göstərən müştərilərimizə dərin təşəkkürümüzü bildiririk.
İnanırıq ki, bu ilk il gələcək böyük nailiyyətlərin yalnız başlanğıcıdır”, -məlumatda əlavə edilib.
“NR ProAudit”
Ünvan: İzmir küçəsi 8, Hyatt Tower 3, mərtəbə
Sayt: www.proaudit.az
Daha ətraflı məlumat və yeniliklər üçün ain.az saytını izləyin.
