BMT-nin İnkişaf Proqramı Ermənistanda 2026-2030-cu illər üçün ümumi büdcəsi 100 milyon dollar olan yeni əməkdaşlıq proqramı başladır.
"Report" xəbər verir ki, bu barədə Ermənistan KİV BMT-nin İnkişaf Proqramının bu ölkədəki daimi nümayəndəsi Natiya Natsvlişviliyə istinadən məlumat yayıb.
Onun sözlərinə görə, yeni proqram Ermənistan hökuməti ilə məsləhətləşmədən sonra hazırlanıb:
"Bu proqram sosial-iqtisadi inkişafı, demokratik idarəetməni, iqtisadi artımı, iqlim dəyişikliyi ilə mübarizəni, gender bərabərliyini və innovasiyaları əhatə edir".
