BAKI, 26 yanvar. TELEQRAF
Somalidən Azərbaycana satış məqsədilə heç vaxt ət məhsulları gətirilməyib.
Teleqraf xəbər verir ki, bunu Azərbaycan Qida Təhlükəsizliyi İnstitutunun sədri Əli Nəbiyev agentliyin 2025-ci ilin yekunlarına həsr olunmuş mətbuat konfransında jurnalistlərin suallarına cavab verərkən deyib.
O bildirib ki, yalnız Həcc ziyarəti zamanı Səudiyyə Ərəbistanına müxtəlif ölkələrdən ət məhsulları gətirilir.
"Səudiyyə Ərəbistanı səfirliyinin dəstəyi ilə ötən il ölkəmizə qeyri-kommersiya məqsədilə 45 tona yaxın ət məhsulu gətirilib. Bu ət məhsulları qurban ətləri olub və ölkəyə humanitar məqsədlə gətirilib", - o əlavə edib.
Qeyd edək ki, son dövrlər mediada Azərbaycana Somalidən ət gətirildiyi ilə bağlı məlumatlar yayılıb.
