PSJ-nin baş məşqçisi Luis Enrike hücumameyilli yarımmüdafiəçi Li Kan İnin “Atletiko Madrid”ə potensial transferini bloklayıb.
Publika.az xəbər verir ki, bu barədə “Marca” məlumat yayıb.
Mənbənin məlumatına görə, ispaniyalı məşqçi cənubi koreyalı oyunçunu komanda üçün dəyərli hesab etməyə davam edir. Lakin Li Kan-İnin özü İspaniyaya qayıtmağa qarşı deyil. Vurğulanır ki, “Atletiko” qış transfer pəncərəsində yarımmüdafiəçini transfer etmək imkanına malik olmayacaq, lakin “hindular” bunu yayda etmək niyyətindədirlər.
Li PSJ-yə 2023-cü ilin yayında “Malyorka”dan keçib. Bu mövsüm o, bütün turnirlərdə 21 oyunda meydana çıxıb, iki qol vurub və üç məhsuldar ötürmə edib. Onun müqaviləsi 2028-ci ilin yayına qədərdir. “Transfermarkt”dakı məlumata görə, onun bazar dəyəri 25 milyon avrodur.
