Hindistanda ölümcül Nipah virusunun yayılması qeydə alınıb.
APA xəbər verir ki, bu barədə ÜST xəbərdarlıq edib.
Xəbərdarlığa əsasən xəstəlik yeni pandemiya potensialına malikdir
Hindistanda ölümcül Nipah virusunun yayılması qeydə alınıb. Bu xəstəlik yeni pandemiyanın yaranması üçün potensiala malikdir.
Virus ölkənin üçüncü ən böyük şəhəri olan Kalkuttanın yaxınlığında yerləşən Qərbi Benqal ştatında aşkarlanıb. Hakimiyyət yoluxmuş şəxslərlə təmasda olan təxminən 100 nəfər üçün karantin tədbirləri tətbiq edib. Hazırda yoluxmanın beş təsdiqlənmiş halı var və onların hamısı tibb işçiləri arasındadır.
İki tibb bacısının vəziyyəti ağır qiymətləndirilir. Onlardan biri hazırda komadadır. The Economic Times nəşrinin məlumatına görə, həmin tibb bacısının analizlər götürülməmişdən əvvəl vəfat edən bir xəstəyə qulluq edərkən yoluxmuş ola biləcəyi ehtimal olunur.
Nipah virusu halların 40–70 faizində ölümə səbəb olur. Bu virusa qarşı nə peyvənd, nə də xüsusi müalicə mövcuddur. Yoluxmanın mənbəyi yarasalar və ya çirklənmiş meyvələr ola bilər.
Əsas simptomlara yüksək hərarət, baş və əzələ ağrıları, güclü halsızlıq daxildir. Bəzi hallarda öskürək, nəfəs darlığı və pnevmoniya inkişaf edə bilər.
Hindistan, Nipah virusu, ÜST, epidemiya, karantin, Qərbi Benqal, Kəlküttə, tibb işçiləri, yoluxma, pandemiya riski, The Economic Times, ölümcül virus, sağlamlıq xəbərləri
***
05:16
Hindistan hakimiyyəti ölkənin şərqində yerləşən Qərbi Benqal ştatında təhlükəli Nipah virusunun yayılmasının qarşısını almaq üçün tədbirlər görməyə başlayıb.
APA xəbər verir ki, bu barədə "The Independent" qəzeti məlumat yayıb.
Nəşrin məlumatına görə, Qərbi Benqalda Nipah virusuna yoluxma halları beşə çatıb.
Yoluxanlar arasında həkim və tibb bacılarının da olduğu bildirilir.
Qeyd olunur ki, 100-dən çox şəxs karantinə alınıb, yoluxmuş pasiyentlərin müalicəsi davam etdirilir.
Hakimiyyət orqanları ştatda virusla bağlı vəziyyəti qiymətləndirmək və mümkün xəstəlik ocağının qarşısını almaq məqsədilə xüsusi operativ qrup yaradıb.
