"ABŞ Prezidenti Donald Trampın iş metodları Rusiyanın çoxqütblü dünya nizamı ilə bağlı yanaşmaları ilə üst-üstə düşmür".
Bunu Rusiya Prezidentinin mətbuat katibi Dmitri Peskov deyib.
Kreml rəsmisi Trampın problemləri "diz çökdürməklə" (zor tətbiq etməklə) həll etmək tərəfdarı olduğunu vurğulayıb:
"Onun əl atdığı metodlar bizim çoxqütblü dünya haqqında yanaşmalarımızla tam uzlaşmır. Tramp, necə deyərlər, hər şeyi 'diz çökdürərək' həll etməyin tərəfdarıdır. Kim ki əyilir (boyun əyir), onlar bundan sonra da əyilməyə davam edəcəklər. Əsas odur ki, biz bunu etməyək".
