Saathesabı əmək haqqıya keçid layihəsi hazırda hökumətə təqdim edilib və müzakirə çərçivəsindədir.
ONN media xəbər verir ki, bunu Dövlət Əmək Müfəttişliyi Xidmətinin rəisi Vəli Quliyev qurumun 2025-ci ilin yekunlarına həsr olunmuş mətbuat konfransında deyib.
Onun sözlərinə görə, bu istiqamətdə mərhələli işlər nəzərdə tutulub:
“Bir çox ölkələrdə həm aylıq minimum əmək haqqı, həm saathesabı maaş sistemi tətbiq mexanizmi mövcuddur. Azərbaycanda ilkin mərhələdə natamam və 1 ayadək əmək müqaviləsi bağlanan şəxslərin saathesabı əmək müqaviləsinə keçidi planlaşdırılır”.
