Bakı, 20 yanvar, AZƏRTAC
İspaniyada iki sürətli qatarın relsdən çıxması nəticəsində ölənlərin sayı 42-yə çatıb.
AZƏRTAC xəbər verir ki, bu barədə “El Mundo” qəzeti məlumat yayıb. Qəza nəticəsində 150-dən çox insanın yaralandığı bildirilir.
Qeyd edək ki, daha əvvəl hadisə nəticəsində 41 nəfərin öldüyü açıqlanmışdı. Hazırda qəza yerində axtarış-xilasetmə əməliyyatları davam etdirilir.
“El Mundo”nun məlumatına görə, qatar qəzası ilə bağlı aparılan istintaq çərçivəsində Madrid–Əndəlüs istiqamətindəki dəmir yolu infrastrukturunun vəziyyəti fəlakətin mümkün səbəblərindən biri kimi araşdırılır.
