20 Yanvar faciəsi qurbanlarının xatirəsi ölkənin bütün bölgələrində olduğu kimi Masazır qəsəbəsindəki Zəngilan şərhərciyində də ehtiramla yad edilib.
Ekologiya.az "Avtosfer.az"-a istinadla xəbər verir ki, bu gün Zəngilan şəhərciyində 20 Yanvar şəhidlərinin xatirəsinə həsr olunmuş anım tədbiri keçirilib.
Anım tədbirində Zəngilan Rayon Polis Şöbəsinin əməkdaşları yaşayış kompleksinin ərazisində sakinlərlə birlikdə şəhidlərimizin xatirəsini 1 dəqiqəlik sükutla yad ediblər. Tədbir zamanı polis əməkdaşları və vətəndaşlar sayğı duruşunda dayanaraq şəhidlərin əziz xatirəsinə dərin ehtiram nümayiş etdiriblər.
Anım tədbiri Zəngilan rayonunda da qeyd olunub. Polis Şöbəsinin şəxsi heyəti anım tədbirində iştirak edərək şəhidlərimizin xatirəsini bir daha ehtiramla yad edib.
