"Çelsi"nin ulduz yarımmüdafiəçisi Enzo Fernandez karyerasında yeni bir səhifə açmağı düşünür.
Fanat.Az "L'Equipe" nəşrinə istinadən xəbər verir ki, argentinalı futbolçu Paris Sen-Jermen klubunun maraq dairəsinə düşdükdən sonra Londondakı gələcəyini ciddi şəkildə nəzərdən keçirir.
PSJ rəhbərliyi dünya çempionunu heyətə qatmaq üçün münasib şərait axtarır.
Enzonun komandadakı statusu və PSJ-nin ciddi marağı transferin yaxın vaxtlarda reallaşma ehtimalını artırır. Futbolçunun özünün də Parisə köçməyə maraqlı olduğu bildirilir.
Qeyd edək ki, 24 yaşlı futbolçunun klubu ilə 2032-ci ilə qədər müqaviləsi mövcuddur.
Kamil Xudiyev
