Rusiyada doqquz körpənin öldüyü Novokuznetsk xəstəxanasının baş həkimi və yeni doğulmuş və vaxtından əvvəl doğulmuş körpələr üçün reanimasiya şöbəsinin müdiri saxlanılıb.
APA-nın Rusiya bürosu xəbər verir ki, bu barədə Rusiya İstintaq Komitəsi məlumat yayıb.
Qeyd edək ki, Rusiyanın Kemerovo vilayətinin Novokuznetsk şəhərində doğum evində Yeni il bayramı zamanı yeni doğulmuş 9 körpə ölüb. Məlumata görə, hadisə zamanı xəstəxana stasionar respirator infeksiya ilə bağlı karantin rejimində olub.
