Çində tək yaşayan insanlar üçün nəzərdə tutulmuş və "Ölmüsən?" mənasını verən "Sileme" adlı mobil tətbiq sürətlə populyarlıq qazanır.
Ölkə.az xəbər verir ki, bu barədə "Global Times" nəşri məlumat yayıb.
Xidmət istifadəçilərdən hər gün vəziyyətləri barədə məlumat verməyi xahiş edir. Əgər istifadəçi iki gün ardıcıl olaraq tətbiqdə qeydiyyatdan keçməzsə, sistem onun əvvəlcədən əlaqə qurmaq üçün göstərdiyi şəxsinin elektron poçtuna bildiriş göndərir. Bu mexanizm yaxınların insanın başına hər hansı hadisə gəlib-gəlmədiyini operativ şəkildə öyrənməsinə imkan verir.
Tətbiq "App Store"da ən çox yüklənən ödənişli tətbiqlər reytinqinə başçılıq edir. Tərtibatçıların sözlərinə görə, son günlərdə yükləmələrin sayı yüzlərlədir. Tətbiqin qiyməti 8 yuan (təxminən 1,95 qəpik) təşkil edir.
Müəllifləri “Sileme”ni tək yaşayan insanlar üçün yüngül təhlükəsizlik aləti adlandırırlar.
Layihə 30 yaşdan kiçik üç gənc sahibkar tərəfindən müstəqil startap kimi yaradılıb. Tətbiq Çində viral xarakter alıb və sosial şəbəkələrdə geniş müzakirə olunur. Bununla belə, bəzi istifadəçilər tətbiqin adını bəyənmir və onu “Hupzheme” (“Sağsan?”) adlandırmağı təklif edirlər.
Tənqidçilərin fikrincə, hazırkı ad Çin mədəni ənənələrinə ziddir. Buna baxmayaraq, xidmətin praktiki faydasını az adam inkar edir. İstifadəçilər qeyd edirlər ki, “Sileme” yalnız yaşlılar üçün deyil, həm də tək yaşayan gənclər üçün faydalıdır.(axsam)
