Leyla Əliyeva şəhid Tərlan Məmmədovun ailəsini ziyarət edib
AFN.az xəbər verir ki, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva şəhid Tərlan Məmmədovun ailəsini ziyarət edib. Bununla bağlı L.Əliyeva özünün Instagram hesabında paylaşım edib.
Şəhid Tərlan Məmmədov 31 avqust 1996-cı ildə Sumqayıtda anadan olub. O, 8 oktyabr Füzuli döyüşləri zamanı şəhid olub və Abşeron rayonunun Saray qəsəbəsində dəfn edilib.
Prezident İlham Əliyevin imzaladığı müvafiq sərəncamlara əsasən, ölümündən sonra Tərlan Məmmədov “Vətən uğrunda” və “Füzulinin azad olunmasına görə” medalları ilə təltif olunub.
