Qol.az portalından verilən məlumata əsasən, ain.az bildirir.
"Messi dünyanın ən yaxşı oyunçusu olaraq qalacaq"
Dünya futbolunun tanınmış simalarından olan David Vilya tarixin ən yaxşı futbolçusunun adını çəkib.
QOL.az xəbər verir ki, İspaniya millisinin sabiq üzvü bir vaxtlar "Barselona"da çiyin-çiyinə mübarizə apardığı Lionel Messinin möhtəşəm oyun performansından danışıb. O, argentinalı superulduzun tarixin ən yaxşısı hesab edilib-edilməməsi ilə bağlı suala birmənalı cavab verib:
"Şübhəsiz ki, odur. Özü də böyük fərqlə. Mən hələ də o fikirdəyəm ki, Messi karyerasını bitirənə qədər dünyanın ən yaxşı oyunçusu olaraq qalacaq".
Vilya həmçinin Messini həm birlikdə oynadığı, həm də rəqib olduğu futbolçular arasında ən güclüsü adlandırıb.
Xatırladaq ki, 8 dəfə "Qızıl top"un sahibi olan Lionel Messi hazırda karyerasını ABŞ-ın "İnter Mayami" klubunda davam etdirir.
Sonrakı hadisələr barədə daha çox məlumat almaq üçün ain.az saytını izləyin.
